Miðgarður

Nútíminn er trunta

Miðgarður header image 1

Eyðslukló

Laugardagur 16. janúar 2010 · almennt

Ég hef lifað frekar spart undanfarna mánuði, en þó má alltaf spara meira við. Í gær leyfði ég mér hinsvegar smá munað (og reyndar um jólin) og keypti mér eitt stykki Dualshock 3 fyrir Playstation 3. Eitt slík stykki er ekki alveg fríkeypis; kr. 11.999 í Bónus. Svona svipað og einn leikur í sömu tölvu. Ég lét þar ekki við staðar numið heldur fékk mér líka Blu-Ray fjarstýringu, einnig fyrir Playstation 3, sem var þó öllu ódýrari (kr. 2.499).

Alveg merkilegur andskoti hve allt hefur rokið upp í verði. Ég sé eftir því að hafa ekki keypt stýripinnann í Bandaríkjunum þegar ég var þar fyrir rétt rúmu ári, en þá kostaði hann um 6.000 kall íslenskar. Ég pantaði annars Nike+ Sportband frá Bandaríkjunum um jólin til þess að koma mér af stað að hlaupa, og til hvatningar. Þrælsniðugt apparat fyrir leikmenn (þeir sem taka hlaup alvarlega eru með GPS tæki og sjitt í gangi).

→ Engin ummæliEfnisorð: ····

Nýárið

Föstudagur 15. janúar 2010 · almennt, skóli

Ég hef aldrei almennilega skilið tilganginn með því að óska öðrum gleðilegt nýtt ár. Miklu skemmtilegra að bjóða fólki gleðilega nýja vinnuviku á mánudögum. Ég er annars svolítið ringlaður núna; er kominn nýr áratugur eða erum við enn á fyrsta áratugi 21. aldarinnar? Það voru nefnilega ekkert allir sammála um hvenær ný öld byrjaði. Flestir, að ég held, vildu meina að hún byrjaði um leið og árið 2000 rann upp, en aðrir ekki fyrr en 2001 byrjaðir. Samvkæmt þeirri kenningu, byrjar nýr áratugur nokkuð fyrr en á næsta ári, árið 2011?

Hvað sem því skiptir líður tíminn áfram og ég verð eldri. Ég náði öllum prófum á síðustu önn, þó rétt naumlega í sumum tilfellum, og tek nú tvö námskeið og er í 50% vinnu að auki. Ég ákvað að fresta BA ritgerðinni til sumarsins, þ.e.a.s. ég mun skila henni inn að loknu sumri en ekki í byrjun sumars.

→ Engin ummæliEfnisorð: ·

Slepptu að kvitta

Þriðjudagur 8. desember 2009 · bloggið

Bloggarar sem kvartar undan því að gestir kvitti ekki undir færzlurnar – þvílíkt rugl. Eruð þið að skrifa fyrir aðra?

→ 2 ummæliEfnisorð:

Góðar kvikmyndir, slæmar og skemmtilegar

Sunnudagur 29. nóvember 2009 · kvikmyndir

Margir vilja alltaf halda þessum lýsingarorðum saman þegar kemur að kvikmyndum. Ef mynd er skemmtileg hlýtur hún að vera góð, og góð mynd er alltaf skemmtilegt. En það er bara ekki þannig. Fólk verður að geta gert grein á milli góðra mynda og lélegra mynda sem eru samt sem áður skemmtilegar.

Mér finnst Transformers skemmtilegar myndir þó svo þær séu frekar lélegar. Eins fannst mér Doom skemmtileg þó hún sé hræðileg kvikmynd. Sama segi ég um Silent Hill. En svo eru náttúrulega til myndir sem eru slæmar og ógeðslega lélegar: allar Uwe Boll myndirnar.

Fólk er skíthrætt við að vera dæmt fyrir lélegan kvikmyndasmekk og þykja hinar og þessar myndir skemmtilegar þó svo að innst inni viti það að þær séu “lélegar”.

Vill einhver gefa mér Silent Hill á Blu-Ray í afmælisgjöf?

→ 2 ummæliEfnisorð: ····

Boccia í þá gömlu góðu daga

Sunnudagur 8. nóvember 2009 · ekki frétt

Það er af sem áður var. Fyrir um 40 árum var boccia vinsælasta íþrótt Íslendinga og fór íþróttafréttamaðurinn Gunnar Dal mikinn í lýsingum sínum á þeim fjölda leikja sem sendir voru út beint með útvarpsbylgjum.

Eftirminnilegasti leikurinn, segir Gunnar, var Von vegn Spjátrungum, sem fram fór á elliheimilinu Fjör í Hafnarfirði árið 1968 þegar boccia var að rísa upp sem helsta íþrótt landsins. “Það ætlaði allt um koll að keyra,” segir Gunnar. Aðspurður hví hitinn hafi verið svona mikill segir Gunnar: “Á þeim tíma var steranotkun lögleg, en upp kom þurrð á landinu og voru flestir í fráhvörfum þann daginn.”

Eins og gefur að skilja voru skapbrestir miklir í Fjör þegar mætt var til keppni, og sést það glögglega á meðfylgjandi mynd þar sem Gunnar er að lýsa leiknum þegar Alfreð Th. Bollason skaut kúlu Sigríðar Fleck út úr hringnum.

Gunnar að lýsa boccia leiknum á ögurstundu

Gunnar að lýsa boccia leiknum á ögurstundu

→ 4 ummæliEfnisorð: ·

1,5 lítra Léttmjólk takk

Fimmtudagur 22. október 2009 · almennt

1,5 lítri af Léttmjólk kostar 148 krónur í Bónus, en 199 krónur í 10-11 í Austurstræti. Það er eitthvað mjög óeðlilegt við þetta allt saman. Ég kláraði þessa þrjá lítra sem ég keypti í 10-11 á einum sólarhringi.

→ 4 ummæliEfnisorð: ···

15 mínútur á Omega

Miðvikudagur 30. september 2009 · sjónvarp

Ég horfði á sjónvarpsstöðina Omega í ca. 15 mínútur á mánudagskvöldið síðastliðið.

Í þætti um hollustu og hreyfingu sagði gamli maðurinn að það væri bara óhollt að neyta of mikils frúktósa (náttúrulegs sykurs úr ávöxtum) og talaði um að fá sér bara eitt epli en ekki tvö. Hann virtist setja samasem merki á milli tvísykra súkrósa (hvíts sykurs) og frúktósa. Ég var létt hneykslaður. Meðstjórnandi hans sagði að eplabökur væru samt ekkert óhollar. Hann var heldur betur ósammála.

Næst á dagskrá var umfjöllun um trjábolahlaup. Hárrét, trjábolahlaup. Hver bíður ekki spenntur eftir nýjustu úrslitum trjábolahlaups í norðurfylkjum Bandaríkjanna? Í heimsókn fengu þau heimsmeistarann sjálfan Jenny (man ekki eftirnafnið), en sá sem að þýddi þáttinn vildi hinsvegar kalla hana Gene. Fjórum sinnum. En svo hætti hann við og kallaði hana Jane það sem eftir var. Skítt með hvað skiltið frá sjónvarpsstöðinni sagði (Jenny…). Svo var líka þýðandinn ekkert að þýða allt, hann bara sleppti því sem að honum fannst vera ónauðsynlegt. Hann er kannski mínimalisti? Ekkert að flækja hlutina að óþörfu, einfalda þetta.

Í fréttaskotinu var stuttlega fjallað um samkynhneigt fólk og giftingar. Nei, afsakið, “kynvillinga” eins og þýðandinn skrifaði. En eins og við vitum þýðir enska orðið “gay” (sem var notað í fréttaskotinu) náttúrulega kynvillingur. Sem betur fer hefur Omega hæfan þýðanda.

Þetta og fleira til sá ég á einungis 15 mínútum. Skemmtilegt þetta Omega fólk.

→ 4 ummæliEfnisorð:

Þessi leiðinlegu stjórnmál

Laugardagur 26. september 2009 · almennt, pólitík

Æji, stjórnmál eyðileggja alltaf allt. Það má aldrei gera neitt nema að stjórnmálum sé bendlað við málið, og þá verður það sjálfkrafa hundleiðinlegt. Ég er og verð alltaf ópólitískur, og mun halda mig við þann rétt að kjósa ekki. Stjórnmál eru alltaf eins og olían sem mengar tært vatnið.

→ Engin ummæliEfnisorð:

Kominn í vetrarfrí

Föstudagur 4. september 2009 · kvikmyndafræði, skóli

Þá er vinnan búin í sumar og ég því kominn í vetrarfrí. En vetrarfríinu fylgir alltaf skóli. Ég huxa að ég muni skrifa BA ritgerðina mína á næstu önn og skila í júní næsta ári. Viðfangsefnið er leikstjórinn Jim Jarmusch, en ég get ekki sagt meira um málið að svo stöddu (er svolítið að reyna koma mér inn í pólitískt lingó). Á þessari önn er ég skráður í fjóra eftirfarandi kúrsa:

Svekktastur er ég að Guðni Elísson skuli ekki kenna “Aðferðir og hugtök”, en hann er víst í eins og hálfs árs fríi. Svo er skandall að ég skuli rétt að vera taka kúrsinn um bókmenntaritgerðir, svona langt kominn í námi. Kúrsinn um kvikmyndahöfunda mun nýtast mér vel því ég mun á einhvern hátt skrifa um Jarmusch sem kvikmyndahöfund. Djöfull er ég þyrstur – hinkrið aðeins…

Ein ísköld Kókómjólk kominn á kantinn.

Það er bara liðin ein vika af skólanum eins og er, eða fyrsta rennsli eins og þau segja í leikhúsunum (segja þau það ekki annars?), en önnin leggst vel í mig og á.

→ Engin ummæliEfnisorð: ···

Af hverju er tollurinn alltaf svona ógeðslega leiðinlegur?

Fimmtudagur 6. ágúst 2009 · almennt

Nú þarf ég að kvarta, og þá blogga ég auðvitað.

Vegir íslenska tollsins eru mér gjörsamlega órannsakanlegir. Til fjölda ára hef ég samviskusamlega prentað út reikning þess sem ég er að panta að utan, komið með hann upp í tollafgreiðsluna og kvittað svo undir sem veitir tollinum mitt leyfi til þess að opna pakkann til þess að leita að reikningi. En til hvers þessi tvíverknaður? Ég er þegar kominn með útprentaðan reikninginn, af hverju þurfa þeir að kryfja pakkann minn líka?

Í dag fór ég að sækja ilmvatn sem ég keypti frá Bandaríkjunum. Ég prentaði reikninginn út og fór upp á Stórhöfða, þar sem tollmiðlun Íslandspóst er, og hugðist einungis afhenda reikninginn og fá svo pakkann minn takk fyrir bless.

-”Ég er að sækja þennan pakka hérna, og hérna er reikningurinn,” sagði ég.

- “Já, kvittaðu svo hérna.”

-”En ég er með reikninginn. Þarf ég samt að kvitta?” “Já,” svaraði afgreiðslukonan.

-”Þarf ég þá nokkuð að koma með útprentaðan reikning?”

-”Jú, fólk er að panta svo marga hluti og við þurfum að fá reikninginn og opna pakkann.” Hvað í helvítinu kemur það málinu við, huxa ég með mér. Og geri enn. Annað hvort fær það reikninginn frá mér og afgreiðir málið, eða þá ég kem ekki með hann, kvitta og leyfi þeim að opna pakkann. En það er bara ekki til boða. Viðkomandi virðist ekki vera boðið að kvitta, heldur er honum gert að kvitta. Það virðist bara vera formsatriði að hafa þessa línu þarna neðst á blaðinu sem þú skalt skrifa nafn þitt á.

Að öllu jöfnu virði ég yfirvaldið og fer eftir lögum og reglu, en eftir tugi ára af þessari endalausu vitleysu er mér nóg boðið. Þetta er bara enn ein leið Stóra Bróður til þess að krukka í endaþarmi hins venjulega borgara, og hann skal taka því og líka það.

→ 5 ummæliEfnisorð: ···